126 aansoeke, banke soek 40 eiendomme, 25 lenings – Kosmos 94.1

Mosiehof: 126 aansoeke, banke soek 40 eiendomme, 25 lenings

Daar was 126 aansoek om verstekvonnisse in die mosiehof vanoggend waarvan tien reël 108 aansoeke was. Regters Eileen Rakow en Herman Oosthuizen het die sessies hanteer. Kommersiële banke het 67 aansoeke gebring. Die banke eis 40 eiendomme op met uitstaande skuld van 20,6 miljoen Namibiese dollar. Daar is 25 lenings waarop 27 miljoen dollar nou betaalbaar is en twee voertuie moet aan die banke terugbesorg word. In Maandag se sessie sal regter Claudia Claassen 50 onverdedigde egskeidings hanteer.