ATP-eindtoernooi se prysgeld staan op N$265m
Die seisoen se agt beste mans-enkelspelers en dubbelspare gaan meeding om algehele prysgeld van 265 miljoen Namibiese dollar in die ATP-eindtoernooi wat Sondag in Turyn, Italië, begin. Die enkelspel-kampioen sal 85 miljoen dollar wen as hy die toernooi onoorwonne afsluit, en 39 miljoen dollar as hy ‘n wedstryd verloor het op pad na die eindstryd. Die agt spelers word in die rondomtalie-ronde in twee groepe verdeel en die boonste twee in elke groep dring deur na die halfeindronde. Die eindstryd vind volgende Sondag plaas.