Rassie wys Eben aan as kaptein teen Skotland
Rugby: Die Springbok-losvoorspeler Kwagga Smith speel Sondag sy 50ste toets wanneer die Springbokke Skotland op Murrayfield aandurf. Die slotte Franco Mostert en RG Snyman keer terug ná ‘n lang afwesigheid weens beserings. Afrigter Rassie Erasmus het Eben Etzebeth as kaptein aangewys met Siya Kolisi wat op die bank begin. Daar is sewe voorspelers en een agterspeler op die bank. Elf veranderinge is aangebring aan die opdrafspan wat Argentinië in September in hul laaste wedstryd van die Rugbykampioenskap verslaan het. Jaden Hendrikse begin op skrumskakel met Handré Pollard as losskakel.