Amorim sukkel met lewelose ManU
Sokker: Ruben Amorim het toegegee hy het geen idee hoe lank dit hom gaan neem om weer lewe te blaas in Manchester United nie. Hy sê sy fokus is op oorlewing nadat Donderdag se 2-0 loesing teen Wolves hom die slegste begin deur enige Old Trafford-baas in byna 100 jaar gegee het. Amorim is die eerste United-bestuurder wat vyf of meer van sy eerste tien wedstryde in beheer, verloor, sedert Walter Crickmer in Januarie 1932. United kom Maandag tuis te staan teen een van die liga se topspanne, Newcastle in hulle laaste wedstryd van die jaar.