Putin het blykbaar voorleggings gestop – Kosmos 94.1

Cyril in Rusland: Putin het blykbaar voorleggings gestop

Suid-Afrikaanse President Cyril Ramaphosa het ‘n tweedaagse werksbesoek aan Oekraïne en Rusland afgesluit, waar Afrika-leiers ‘n vredespad voorgestel het vir die 16-maandlange konflik tussen die twee lande. Hy is vergesel deur die presidente van die Comore, Senegal en Zambië, Egipte se eerste minister en verteenwoordigers van die Kongo en Uganda. Ramaphosa sê van die elemente in die voorstel sluit in die de-eskalering van die konflik, die vrylating van krygsgevangenes en kinders, en humanitêre ondersteuning vir behoeftiges:

Die besoek was rampspoedig volgens sommige ontleders, veral met die debakel in Pole met Ramaphosa se sekuriteit wat 48 uur in Warskou vertoef het en teruggestuur is na Suid-Afrika. Intussen berig Reuters dat President Vladimir Putin koue water op die plan, wat reeds deur die Oekraïne verwerp is, gegooi. Hy het blykbaar na voorleggings van die Comorese, Senegalese en Suid-Afrikaanse presidente, hulle in die rede geval en die plan se aannames uitgedaag, gebaseer op die aanvaarding van internasionaal erkende grense. Daar is blykbaar daarna geen verdere voorleggings gedoen nie.