Gobabis-dorpsraad lamgelê deur uitstaande skuld – Kosmos 94.1

Gobabis-dorpsraad lamgelê deur uitstaande skuld

Inwoners, privaat maatskappye en staatskantore skuld die Gobabis-munisipaliteit 61 miljoen Namibiese dollar vir water en elektrisiteit. Die dorpsraad se woordvoerder, Frederick Ueitele, sê die uitdaging van wanbetaling van munisipale rekeninge is meestal van sommige inwoners, regeringskantore, agentskappe en sommige instansies uit die privaat sektor. Die munisipaliteit sny tans dienste, veral water en elektrisiteit, van inwoners af wat nie hul finansiële verantwoordelikheid teenoor die dorpsraad nakom nie. Volgens Ueitele het die raad ‘n tyd gelede besluit om voorkeure aan pensioenarisse te gee deur aan hulle laer tariewe toe te staan. Ueitele sê die munisipaliteit het geen kontrak met RedForce of enige ander skuldinvorderings-agentskap nie aangesien hulle alles probeer om inwoners aan te moedig om hul skuld te betaal sonder om deur ‘n derde party gedwing te word.