Sewe Wêreldbeker-wedstryde die naweek – Kosmos 94.1

Sewe Wêreldbeker-wedstryde die naweek

Rugby: Vier wedstryde wag vandag op aanhangers in die Wêreldbekertoernooi, en nog drie môre. Namibië en Italië draf vanmiddag een-uur op die veld in Saint-Etienne, en half-vier is dit die beurt van Ierland en Roemenië in Bordeaux. Die tweemalige kampioen, Australië, en Georgië pak mekaar ses-uur in Saint-Denis, Parys. Engeland en Argentinië draf nege-uur op die veld in Marseille. Môremiddag eenuur begin die wedstryd tussen Japan en Chili in Toulouse voor die Springbokke en Skotland mekaar net voor ses in Marseille pak. Wallis en Fidji se wedstryd in Bordeaux begin nege-uur.