Ramaphosa huldig ontslape Vigs-wetenskaplike – Kosmos 94.1

Ramaphosa huldig ontslape Vigs-wetenskaplike

President Cyril Ramaphosa het diepe hartseer uitgespreek oor die afsterwe van die bekende wetenskaplike, gesondheidsbeleid-innoveerder en anti-apartheidsaktivis, Hoosen Jerry Coovadia. Hy was 83 jaar oud. Ramaphosa betuig medelye met Coovadia se familie en prys hom as ‘n uitsonderlike wetenskaplike en anti-apartheidskampvegter wat aansienlik tot openbare gesondheidsbeleide bygedra het. Coovadia se baanbreker-navorsing oor moeder-tot-kind-oordrag van MIV en Vigs laat ‘n blywende nalatenskap vir wêreldwye gesondheidsorg.