Groot opwinding vir Premierliga die naweek

Groot opwinding vir Premierliga die naweek

Groot sokker-opwinding word verwag wanneer die Debmarine Premierliga se verrassingspaket, Eeshoke Chula Chula, vandag teen African Stars uitdraf op die Hage Geingob stadium. Chula Chula trek groot skares by hul tuisveld, Oshakati Onafhanklikheidstadion, en aanduidings is dat ‘n groot skare ook in die hoofstad gaan opdaag. In die dag se ander Premierliga wedstryde kom Life Fighters teen Young Africans te staan, en Orlando Pirates speel teen Mighty Gunners. Al die wedstryde begin om vier-uur. Sondag speel Chula Chula om twee-uur teen Orlando Pirates by die SKW in Windhoek. Die res van die dag se wedstryde begin almal drie-uur, en sal African Stars in aksie sien teen Mighty Gunners, Life Fighters gaan Ongos aanvat en Unam gaan kragte meet met Young Africans.