Engeland maak darem sewende plek

Engeland maak darem sewende plek

Engeland het opgeskuif na die sewende plek op die Wêreldbeker-punteleer nadat hy Nederland met 160 lopies in Pune verslaan het om hulle tweede oorwinning in hierdie toernooi te behaal. Ben Stokes het 108 van 84 balle aangeteken wat sy vyfde honderdtal in internasionale eendagwedstryde is, maar sy eerste by ʼn Wêreldbeker. Dit het bygedra tot die verdedigende kampioene se telling van 339 vir nege. Die Nederlanders het na hulle aanvanklike 163 vir ses ineengestort en was aan die begin van die 38ste boulbeurt almal uit vir 179. Die oorwinning het Engeland se hoop laat opvlam om vir die 2025 Kampioenetrofee te kwalifiseer.