Vier mans breek by vrou se huis in, vergiftig haar hond

Vier mans breek by vrou se huis in, vergiftig haar hond

‘n Uiters gewelddadige rooftog het in Helao Nafidi laat Donderdagaand plaasgevind. Vier gewapende mans het by ‘n huis ingebreek en weggekom met 90 000 Namibiese dollar in kontant en juwele en ‘n selfoon ter waarde van 10 000 dollar. Die boewe het die elektriese hek en die kragdraad gedeaktiveer en die eienaar van die eiendom se hond vergiftig. Die mag het vinnig gereageer en die motor wat in die roof gebruik is gevind met een verdagte, ‘n 45-jarige Namibiër wat gearresteer is. Toerusting vir die inbraak is gevind maar die gesteelde goedere nie. Die ondersoek duur voort om die ander drie verdagtes op te spoor.