NNN moet versigtig wees, geskenke maak skuld

NNN moet versigtig wees, geskenke maak skuld

Netumbo Nandi-Ndaitwah, adjunkpremier en Swapo-visepresident, wat waarskynlik die volgende president sal word, was verlede week in die nuus weens haar politieke saamtrekke in die Oshana- en Khomas-streke. Sakelui en ander prominente Namibiërs het groot bedrae vir die saamtrekke geskenk, hoewel sy nie skenkings versoek het nie en Swapo veronderstel is om vir die saamtrekke te betaal. Verlede Desember het Rodger Kauta en afgetrede diplomaat Steve Katjiuanjo haar ook ’n geskenk van vier Bonsmara-verse, ’n bul en twee osse gegee. Kosmos 94.1 Nuus het met politieke kommentator dr. Ndumba Kamwanyah gepraat oor die kwessie van geskenke. Hy sê Nandi-Ndaitwah moet versigtig wees en haar eerder van geskenke distansieer.