Navalny-bondgenoot tronkstraf opgelê – Kosmos 94.1

Navalny-bondgenoot tronkstraf opgelê

‘n Russiese hof het ‘n bondgenoot van ʼn kritikus van die Kremlin, Alexey Navalny, tot nege-en-ʼn-half jaar tronkstraf gevonnis. Ksenia Fadeyeva, ‘n prokureur en wetgewer in die Siberiese stad, Tomsk, is skuldig bevind aan die bestuur van ‘n “ekstremistiese organisasie”. Sy is die jongste persoon van die Russiese opposisie wat tydens die oorlog in Oekraïne aangehou is. Russiese owerhede het Navalny se Anti-Korrupsie-stigting in 2021 as “ekstremisties” verklaar, wat dit in wese verbied het. Verskeie lede is swaar strawwe opgelê. Fadeyeva was aan die hoof van ‘n plaaslike afdeling van die organisasie.