Namibiër beplan Afrika se grootste wildreservaat in Angola

Namibiër beplan Afrika se grootste wildreservaat in Angola

Namibiër Stefan van Wyk beplan om Afrika se grootste wildreservaat in Angola te vestig. Hy het in 2012 ‘n kamp opgerig by Cuatir, ongeveer 1 500 kilometer suid van Luanda wat hy wil uitbrei. Sedertdien het hy talle spesies hervestig insluitend kameelperde, sebras en selfs olifante, behalwe vir die spesies wat reeds daar was. Van Wyk maak ook vergunnings vir natuurwetenskaplikes wat die meer as 32 soogdierspesies, 112 voëlspesies en 24 boomspesies wil bestudeer. Cuatir is op die oomblik die enigste privaat wildreservaat in Angola en Van Wyk wil die gebied vergroot tot 200 000 hektaar.