Hamas stem blykbaar in tot Katar ooreenkoms

Hamas stem blykbaar in tot Katar ooreenkoms

Die Palestynse militante groep Hamas sê hy het sy reaksie gelewer op ‘n voorgestelde skietstilstand-ooreenkoms vir Gaza, en die Verenigde State sê hulle glo ‘n ooreenkoms is moontlik. Besonderhede van Hamas se reaksie is nie onmiddellik bekend gemaak nie, maar Katar, wat gehelp het om die voorstel te bemiddel wat ook die vrylating van gyselaars wat in Gaza aangehou word behels, sê die antwoord het Doha “optimisties” gemaak. Die Amerikaanse minister van buitelandse sake, Antony Blinken, het op ‘n blits-toer deur die Midde-Ooste gesê Washington hersien Hamas se reaksie en dat hy dit met Israeliese amptenare sal bespreek wanneer hy die land vandag besoek.