Moenie Boam of Bloom gebruik nie!

Moenie Boam of Bloom gebruik nie!

Die landbouministerie het ‘n ernstige waarskuwing gerig dat mense nie ‘n insekdoder bekend as Boam of Bloom in hul huise moet gebruik nie. Die produk kan ernstige gesondheidsrisiko’s inhou as mense daaraan blootgestel word, aangesien dit onder meer ‘n kankervormende bestanddeel bevat. Die produk word nie in Namibië toegelaat nie en is nie hier geregistreer nie, maar die publiek koop dit aanlyn om insekte te bestry. Jona Musheko, die ministerie se woordvoerder, sê dat mense dit teen kakkerlakke in hul huise aanwend, wat uiters gevaarlik is.