Wapenverkope aan Israel moet staak

Wapenverkope aan Israel moet staak

Meer as 200 LP’s het ‘n brief van Progressive International, ‘n organisasie vir linksgesindes onderteken waarin gesê word dat hulle “nie medepligtig sal wees aan Israel se ernstige skending van internasionale reg nie” en beklemtoon dat ‘n “wapenembargo ‘n wetlike vereiste moet word”. Britse LP’s het hul name gevoeg by verteenwoordigers van die VSA, Duitsland, Kanada, Frankryk , Spanje, Nederland, België, Brasilië, Australië, Turkye, Portugal en Ierland. Die brief lui: “Ons, die ondergetekende parlementariërs, verklaar ons verbintenis om ons nasies se wapenverkope aan die staat Israel te beëindig.” Die groep meen ‘n wapenverbod teen Israel moet van ‘n morele noodsaaklikheid na ‘n wetlike vereiste beweeg.