Klimaat sal Afrika N$47 triljoen kos

Klimaat sal Afrika N$47 triljoen kos

Die Verenigde Nasies se Ekonomiese Kommissie vir Afrika waarsku Afrika kan teen 2030 ‘n klimaat-befondsings-tekort van 47 triljoen Namibiese dollar in die gesig staar. Die uitvoerende sekretaris, Claver Gatete, sê ondanks lae uitstralings is daar ernstige klimaatsgevolge vir Afrika, wat jaarliks 5 persent van sy Bruto Binnelandse Produk kos. Gatete sê slegs 2 persent van globale beleggings in skoon energie bereik Afrika. Die kommissie doen ‘n beroep vir globale finansiële hervorming om aandag te skenk aan onbillike risiko-persepsies en kredietgraderings.