Huise van Sean ‘Diddy’ Combs deursoek

Huise van Sean ‘Diddy’ Combs deursoek

Die Amerikaanse Departement van Binnelandse Veiligheid het ‘n klopjag op huise van die musikant en vervaardiger Sean ‘Diddy’ Combs in Los Angeles, Miami en New York uitgevoer. Dit hou volgens berigte verband met ‘n voortdurende mense- en sekshandel-ondersoek. Combs het in November geskik in ‘n saak waarin ‘n gewese vriendin – die sangeres Casandra Cassie Ventura – hom aangekla het van verkragting en jarelange herhaaldelike mishandeling. Minstens nog twee klagtes van seksuele aanranding en mensehandel is in Desember teen hom aanhangig gemaak. Hy ontken alle aantygings.