Afrika-leiers moet Westerse leiers op hul tone hou oor klimaatsverandering

Afrika-leiers moet Westerse leiers op hul tone hou oor klimaatsverandering

Die Namibiese ekoloog, Peter Cuningham, het die noodsaaklikheid vir Afrika-leiers beklemtoon om hul Europese eweknieë aanspreeklik te hou om aandag te skenk aan klimaatsverandering. Cuningham se verklaring volg ná ‘n onlangse studie wat ernstige hongersnood voorspel vir 200 miljoen Afrikane, ‘n potensiële vermindering van 30 persent in oes-inkomste en ‘n 7,1-persent afname in die bruto binnelandse produk as gevolg van klimaatsverandering. Hy waarsku oor Afrika se kwesbaarheid vir negatiewe uitwerkings indien daar nie opgetree word nie.