Agra maak 2024 halfjaar finansiële resultate bekend

Agra maak 2024 halfjaar finansiële resultate bekend

Agra se inkomste het met 4,4 persent toegeneem van 1,3 miljard Namibiese dollar in 2023 tot byna 1,4 miljard in 2024. Hierdie marginale groei is ondersteun deur laer marge-produklyne wat in 2024 met 68,8 persent toegeneem het. Ten spyte hiervan, het Agra sy teenwoordigheid uitgebrei en ‘n tak in Okahao ingewy en ‘n 24-uur-vulstasie in Mariental bygevoeg, met planne om sy portefeulje verder te diversifiseer. Bedryfsuitgawes het met 12,3 persent toegeneem van 185,1 miljoen dollar in 2023 tot 208 miljoen dollar in 2024, wat sy verbintenis tot uitbreiding en belegging in infrastruktuur weerspieël. Ten spyte van ‘n afname in wins voor belasting van 49,7 miljoen dollar in die eerste helfte van die 2023-boekjaar tot 42,7 miljoen dollar in 2024, bly Agra gefokus op die implementering van strategiese planne om sy teikens te bereik.