Amerikaner vas oor 26 renosterkarkasse

Amerikaner vas oor 26 renosterkarkasse

Die Valke het ʼn Amerikaanse burger, Derek Lewitton, aangekeer na die ontdekking van 26 onaangemelde renosterkarkasse op sy Harmony-wildplaas in Limpopo. Die inhegtenisneming volg na ’n intensiewe ondersoek, waartydens tien ongemerkte renosterhorings sonder die vereiste papierwerk aangetref is, saam met sewe vuurwapens en ammunisie wat onwettig bekom is. Lewitton is ‘n omstrede figuur in die handel in renosterhoring. Hy staan ​​tereg op aanklagte ingevolge die Vuurwapenwet en die Wet op Nasionale Biodiversiteit. Na sy eerste hofverskyning het die landdroshof in Namakgale die saak tot 3 Januarie uitgestel vir ’n formele borgtogaansoek.