Bavuma terug, lei Proteas teen Sri Lanka
Krieket: Kaptein Temba Bavuma keer terug vir Suid-Afrika se reeks van twee toetse teen Sri Lanka nadat ‘n besering hom uitgehou het uit die toetsreeks in Bangladesj. Die veelsydige Marco Jansen en die snelbouler Gerald Coetzee is terug in toetskrieket die eerste keer sedert verlede seisoen se reeks teen Indië. Kagiso Rabada, Dane Paterson en Wiaan Mulder is die ander snelboulers, en Keshav Maharaj en Senuran Muthusamy die draaiboulers. Die reeks begin die 27ste in Durban, gevolg deur die toets in Gqeberha vanaf 5 Desember.