Bejaarde toeriste aangeval, beroof – Kosmos 94.1

Bejaarde toeriste aangeval, beroof

Buitelandse toeriste is weer aangeval en beroof, hierdie keer in Klein Windhoek. Die polisie sê ‘n 63-jarige Amerikaanse man en sy 67-jarige vrou is saam met nog ‘n Amerikaner en sy 60-jarige Nederlandse vrou deur vyf mans aangeval en aangerand. Een van die skurke het ‘n rugsak afgevat en weggekom met twee Samsung slimfone, paspoorte, bestuurderslisensies, bankkaarte en kontant van 2 000 Suid-Afrikaanse rand, 150 euros en 5 000 Amerikaanse dollar. ‘n 47-jarige Namibiër is gearresteer en die ondersoek duur voort.