Biden sê ‘n tweestaat oplossing is enigste uitweg

Biden sê ‘n tweestaat oplossing is enigste uitweg

Terwyl aanvalle op Gaza voortduur, word daar berig dat ’n Egipties-beheerde grensoorgang na Gaza vandag sal heropen vir burgerlikes om Gaza te verlaat en mediese en ander hulp om na Gaza geneem te word. Honderde metrieke ton hulp uit verskeie lande is reeds dae lank in Egipte se Sinai-skiereiland hangende ‘n ooreenkoms vir die veilige aflewering daarvan aan Gaza. Intussen het kommentaar deur Amerikaanse president Joe Biden effe gedraai van blinde ondersteuning aan Israel, terwyl daardie land se weermag voorberei vir ‘n grondaanval. Biden het op CBS se 60 Minutes-program gesê daar moet ‘n Palestynse staat gevestig word.