Boeremaglid wat op seksaanranding van kinders sal verskyn, sal borg vra – Kosmos 94.1

Boeremaglid wat op seksaanranding van kinders sal verskyn, sal borg vra

‘n Lid van die Boeremag beplan om aansoek te doen om borgtog wanneer hy Woensdag na die Landdroshof in Bronkhorstspruit, Gauteng, terugkeer na sy inhegtenisneming op aanklag van verkragting en seksuele aanranding van minderjariges. Die jongste oortredings het na bewering in Kleinfontein, Pretoria, plaasgevind. Die staat het reeds aangedui hy gaan borgtog ten sterkste teenstaan. Die man was op parool nadat hy tronkstraf uitgedien het vir beplanning om die regering omver te werp en oudpresident Nelson Mandela te vermoor. Twintig Boeremag-lede is skuldig bevind aan hoogverraad en lang vonnisse opgelê.