Bolsonaro verbied tot 2030 om openbare amp te beklee – Kosmos 94.1

Bolsonaro verbied tot 2030 om openbare amp te beklee

Brasilië se hoogste verkiesingshof het voormalige President Jair Bolsonaro verbied om tot 2030 homself verkiesbaar vir enige politieke amp te stel, nadat hy skuldig bevind is aan die misbruik van sy mag en die misbruik van openbare media tydens verlede jaar se verkiesingsveldtog. Vyf uit sewe regters het hom skuldig bevind, wat effektief enige hoop op ‘n politieke terugkeer in die komende 2026-verkiesing beëindig. Die saak spruit uit ‘n vergadering wat Bolsonaro in Julie 2022 met buitelandse ambassadeurs gehou het, waarin hy vals inligting oor Brasilië se kiesstelsel versprei het en die geloofwaardigheid daarvan in twyfel getrek het. Bolsonaro ontken enige oortreding en sê hy sal appelleer.