Burkina Faso, Mali en Niger verwerp Ecowas regulasie

Burkina Faso, Mali en Niger verwerp Ecowas regulasie

Burkina Faso, Mali en Niger het geweier om te voldoen aan ‘n regulasie vir ‘n eenjaar-uittreetydperk van die Ekonomiese Gemeenskap van Wes-Afrika-state. Die besluit volg op hul amptelike kennisgewing van hul onttrekking aan die groepering, tien dae tevore. Artikel 91 van die Ecowas-verdrag bepaal ‘n verpligte tydperk van ‘n jaar ná kennisgewing, maar Mali voer aan Ecowas het die verdrag ongeldig gemaak deur nie sy verpligtinge na te kom nie. Dit sluit in die sluiting van lidlande se grense met Mali in 2022, wat sodoende see-toegang onmoontlik gemaak het.