Chinese vegvliegtuie vlieg naby Taiwan

Chinese vegvliegtuie vlieg naby Taiwan

Taiwan se verdediging-ministerie sê daar het oor die vorige 24 uur agt Chinese vegvliegtuie die middellyn van die Straat van Taiwan oorkruis, asook een Chinese ballon. Taiwan, waarop China aanspraak maak as sy eie grondgebied, het die afgelope jaar herhaaldelik gekla oor Chinese militêre aktiwiteite rondom die eiland. China het sy missies naby Taiwan verskerp namate die eiland se presidensiële en parlementêre verkiesings op 13 Januarie nader kom. Die middellyn het eens as ‘n nie-amptelike versperring tussen die twee kante gedien, maar Chinese vliegtuie vlieg nou gereeld daaroor.