DA beweer kaderontplooiingskomitee vertraag aanstelling van Eskom-hoof

DA beweer kaderontplooiingskomitee vertraag aanstelling van Eskom-hoof

Die DA beskuldig die minister van openbare ondernemings, Pravin Gordhan, van uitstel met die aanstelling van ‘n nuwe uitvoerende hoof by Eskom. Die party beweer die ANC se kaderontplooiingskomitee beïnvloed dalk die proses, gegewe berigte van Gordhan wat na bewering die Eskom-raad opdrag gegee het om die aanstelling van ‘n uitvoerende hoof te hersien. Die DA-lid, Ghaleb Cachalia, voer aan gegewe die onlangse onthullings van korrupsie en beweerde ANC-betrokkenheid by Eskom, is die vertraging kommerwekkend. Volgens Cachalia maak Eskom se voortdurende uitdagings, insluitend beurtkrag, die aanstelling van ‘n hoof uiters belangrik.