Diamant-halssnoer met Marie Antoinette-bande haal N$85 miljoen
‘n Halssnoer wat vermoedelik juwele bevat uit Marie Antoinette se berugte Saak van die Diamant-halssnoer is opgeveil vir meer as 85-miljoen Namibiese dollar. Die juwele was vermoedelik deel van die skandaal wat uiteindelik tot die Franse koningin se ondergang gelei het. Die skandaal is veroorsaak nadat ‘n edelvrou met geldprobleme, Jeanne de la Motte, haar as Marie Antoinette voorgedoen het om die juwele in die hande te kry. Marie Antoinette is onskuldig bevind aan aandadigheid, maar haar reputasie het nooit herstel nie. Die halssnoer uit die Georgiaanse tydperk is 50-jaar gelede laas in die openbaar gesien.