Dis naels kou vir die Capricorn Eagles!

Dis naels kou vir die Capricorn Eagles!

Die Namibiese vroue-krieketspan, die Capricorn Eagles, het hul derde wedstryd in die vierhoekige reeks in Uganda gewen. Hulle moet egter wag vir die uitslag van vanmiddag se wedstryd tussen Uganda en Nigerië om te hoor of hulle deurgaan na ‘n semi-finaal teen die wenners van Groep A, Zimbabwe. Die Eagles het Rwanda gemaklik met 11 lopies gewen, nadat hulle 102 vir 7 aangeteken het. Mezerly Gorases van Namibië was die speler van die wedstryd. Sy het 21 lopies van 24 balle aangeteken en twee paaltjies vir 18 lopies in drie boulbeurte gevat. Die reeks vorm deel van die Afrika-kwalifiserende reeks vir die IKR se T20 Vroue-wêreldbeker.