Dodetal styg tot 8 na gru-ongeluk

Dodetal styg tot 8 na gru-ongeluk

Die dodetal in die gru-padongeluk wat Vrydag tussen Ondangwa en Uukwiyuushona plaasgevind het, het tot agt gestyg nadat een van die slagoffers wat in die hospitaal opgeneem is, dood is. Dit is bevestig deur die Oshana-polisie se inspekteur Thomas Aiyambo. Daar word beweer dat die bestuurder van ‘n wit Toyota-bakkie met Ondangwa-registrasie beheer oor die voertuig verloor het voordat hy van voor gebots het met ‘n wit Toyota Rush. Vier mense is op slag dood, terwyl sewe ander aanvanklik na die hospitaal gehaas is, waar vier aan hul beserings beswyk het.