Drenkeling se liggaam gevind – Kosmos 94.1

Drenkeling se liggaam gevind

Die liggaam van die laaste van die twee jong meisies wat vroeër die maand by Hentiesbaai verdrink het, is gevind. Volgens ‘n polisieverslag is die liggaam van Rashmi Brockerhoff sowat 2,4 kilometer noord van die dorp opgespoor, en haar familie is in kennis gestel. ‘n Moordsaak is ook op die dorp aangemeld nadat ‘n 53-jarige man sy 31-jarige vriendin verskeie male met ‘n mes gesteek en sy oorlede is. Hy het probeer selfmoord pleeg deur sy hut aan die brand te steek, maar bure het ingegryp en hom na die kliniek geneem. Hy het egter ontsnap en huis toe gegaan, waar hy na bewering kar-battery water gedrink het. Hy is weer na die kliniek geneem, en is tans in die Swakopmund-hospitaal onder polisiebewaking.