Drie in Outjo gevang met dagga

Drie in Outjo gevang met dagga

Drie verdagtes is in twee afsonderlike gevalle in Outjo gearresteer vir die besit van dagga. In die eerste geval is ‘n 73-jarige pensionaris by sy huis in Kap en Bou, Etoshapoort betrap met 18 sakke dagga. Daarna is twee mans, ‘n 31-jarige Namibiër en ‘n 39-jarige Zambiër, in hegtenis geneem nadat die polisie op ‘n wenk gereageer het. Hulle het op drie arms en 120 ballies dagga in ‘n huis in Kamp 5 beslag gelê. Die waarde van die dagga is nog nie bepaal nie en die ondersoek duur voort.