Dwelms van N$3,5m in Augustus gevind – Kosmos 94.1

Dwelms van N$3,5m in Augustus gevind

Meer as 3,5 miljoen Namibiese dollar se dwelms is in Augustus deur die Namibiese polisie gekonfiskeer. Volgens die mag se woordvoerder, adjunkkommissaris Kauna Shikwambi ,het dagga weer die meerderheid uitgemaak met 2,5 miljoen dollar se dwelms wat gevind is. Amper 2 kilogram kokaïen-poeier ter waarde van amper 944 000 dollar is gevind terwyl daar op 11 000 dollar se kokaïen stukkies beslag gelê is. ‘n Totaal van 747 Mandrax-tablette ter waarde van amper 90 000 dollar is ook gekonfiskeer. Ses buitelanders en 129 Namibiërs is gearresteer.