Egipte vermorsel Namibië se Brave Five

Egipte vermorsel Namibië se Brave Five

Namibië se Brave Five is Sondag met 10-3 deur Egipte afgeransel in ‘n opwindende wedstryd by die 2024 Morocco TotalEnergies CAF Futsal Afrika-beker toernooi. Dit was Namibië se tweede Groep B-wedstryd en hulle kon nie die kwaliteit van die driemalige kompetisie-kampioene ewenaar nie. Die halftyd-telling was 3-2 vir Egipte, waarna die Farao’s die doele-krane oopgedraai het. Egipte is bo-aan Groep B met ses punte, terwyl Mauritanië tweede is met drie punte. Libië en Namibië is albei sonder ‘n punt.