Ella droom groot op 13

Ella droom groot op 13

Kenners meen, wanneer jy ‘n droom, is dit beter om kleiner maatstawwe te stel om jou groot doelwit te bereik. Dit is soos om ‘n padkaart vir jou reis te skep.  

Net soos ‘n lang reis in kleiner, hanteerbare segmente verdeel word, kan ‘n groot doelwit opgebreek word in kleiner, haalbare stappe of maatstawwe.  

Ella Powers, wat binnekort haar 13de verjaardag vier, is baie ambisieus en wil nou al haar reis begin om teen die tyd dat sy 16 word vir haar ‘n motortjie aan te skaf.  

… In ‘n TikTok-plasing het Ella haar plan aangekondig om hierdie reis te onderneem en haar teiken te bereik. Sy het dit ook met haar ouers bespreek en hulle het haar uitgedaag om daarvoor te werk.  

Saam met haar pa het hulle bereken dat sy drie uur per dag van Maandag tot Vrydag en agt uur op Saterdae moet werk, oor ‘n tydperk van drie jaar om meer as US$40 000 (N$720 000) te kan verdien. 

Haar doelwit is om US$33 000 te spaar en sy het besluit om dit openbaar te maak om haarself aanspreeklik te hou.