Everton kry swaarste puntestraf ooit

Everton kry swaarste puntestraf ooit

Everton is die swaarste puntestraf in die geskiedenis van die Premierliga opgelê. Die Engelse klub het tien punte verloor weens ‘n oortreding van die liga se wins- en volhoubaarheidsregulasie. Die aanklag hou verband met rentebetalings op die boukoste van die klub se nuwe stadion. Die straf laat Everton op vier punte, wat hulle in die relegasiesone plaas. Die klub het sy skok en teleurstelling uitgespreek en aangekondig dat hulle voornemens is om teen die besluit te appelleer.