Franse verstom oor Macron se boks-mannewales

Franse verstom oor Macron se boks-mannewales

Foto’s van die Franse president Emmanuel Macron wat ‘n slaansak bykom, het die Franse vermaak, verstom én op sommige plekke, selfs konsternasie veroorsaak. Die swart-en-wit foto’s op Instagram wys hoe Macron oefen in ‘n styfpassende donker T-hemp en bokshandskoene. Op een foto kners die president op sy tande en in ‘n ander is hy die ene konsentrasie terwyl hy die houe plant. Kommentators vergelyk hom met die Russiese president Vladimir Putin en foto’s van hom waar hy judo doen en perdry. Ander meen die foto’s toon Macron se toenemend kritiese houding teenoor Moskou.