Geingob gee geen erkenning aan swaarkry, armoede, in Oujaarstoespraak nie

Geingob gee geen erkenning aan swaarkry, armoede, in Oujaarstoespraak nie

In sy Oujaarstoespraak het President Hage Geingob geen melding gemaak van die verbuisterende amper 50 persent jeugwerkloosheid nie, en ook nie van die 25 persent van Namibiese kinders wat gesondheidsuitdagings ervaar as gevolg van voedseltekorte nie. Die toenemende armoede in die land is ook oorgesien. Hy het ook nie gepraat oor die meer as 3 000 veediefstalsake wat in die 2021-boekjaar aangemeld is en tot op hede onverpoosd voortduur nie. Hy het sy toespraak gebruik om die globale kommoditeitskrisis van 2015, die droogte tussen 2016 en 2019 en die uitdagings van die pandemie uit te lig en sy regering se lofliedere gesing. Hy het weer gesê dat hy die land in ‘n beter toestand los as wat hy dit gevind het en het 2024 as die jaar van verwagtinge verklaar.