Healy is uit Ierse span weens besering – Kosmos 94.1

Healy is uit Ierse span weens besering

Die veteraanstut Cian Healy is uit Ierland se span van 33 spelers vir die Wêreldbekertoernooi in Frankryk gelaat weens ‘n besering. Die 35-jarige Healy is Saterdag in Ierland se laaste opwarmingswedstryd beseer toe hulle Samoa geklop het. Die loskopstut van Munster, Jeremy Loughman, sal Healy vervang. Die losskakel Johnny Sexton het intussen sy straf van drie wedstryde uitgedien en hy sal vóór uitdraf vir die Iere voordat hy ná die toernooi uittree. Ierland se eerste kragmeting is teen Roemenië op 9 September in Groep B, waarin Suid-Afrika, Tonga en Skotland ook geloot is.