Hoë pryse vir skooldrag onder die loep

Hoë pryse vir skooldrag onder die loep

Die Mededingingskommissie in die buurland weier om die kwessie van pryse vir skooldrag vir vervolging na die Mededingingstribunaal te verwys, weens ‘n gebrek aan tersaaklike en substantiewe inligting. Die kommissie het verlede jaar klagtes ontvang oor beweerde oormatige pryse vir uniforms vir Gautengse skole. Die Nasionale Vereniging van Skoolbeheerliggame aanvaar eenvormige prysverhogings op voorwaarde dat dit aan nasionale riglyne voldoen. Die woordvoerder van die kommissie, Siyabulela Makunga, sê die besluit om nie te vervolg nie is gegrond op onvoldoende bewyse.