IMF beraadslag oor hulp vir Afrika met droogte

IMF beraadslag oor hulp vir Afrika met droogte

Die Internasionale Monetêre Fonds sê hy beoordeel die impak van die droogte in Afrika en werk aan maniere om ondersteuning aan die geraakte lande te verleen. Dit kom na verskeie Afrikalande wat Malawi, Zimbabwe en Zambië insluit, noodtoestande aangekondig het. Oos-Afrika staar sy ergste droogte in 40 jaar in die gesig, wat meer as 29 miljoen mense raak. In Somalië alleen is sowat 1,4 miljoen mense deur droogte ontheem.