Italiaanse ma, 75, kry hofbevel dat haar seuns, 40 en 42, uittrek

Italiaanse ma, 75, kry hofbevel dat haar seuns, 40 en 42, uittrek

‘n Italiaanse vrou het ‘n hofsaak gewen om haar twee volwasse seuns te dwing om haar huis te verlaat nadat hulle geweier het om te trek. Die 75-jarige vrou het aan die hof in Pavia gesê haar seuns van 40 en 42 het werk en kan hulleself onderhou, maar weier om by te dra tot huishoudelike uitgawes of huistake te verrig. Internasionale media berig die vrou het haar seuns ondersteun toe hulle werkloos was, maar het verwag hulle moet hulle eie blyplekke kry nadat hulle werk gekry het. Die regter het die mans gelas om voor 18 Desember uit te trek.