Keetmans sal vanaf 6 November dienste sny – word N$212m geskuld

Keetmans sal vanaf 6 November dienste sny – word N$212m geskuld

Die Keetmanshoop-munisipaliteit dreig om water en elektrisiteit na staatskantore, besighede en instansies te ontkoppel oor onbetaalde munisipale rekeninge. Die burgemeester, McDonald Hanse, sê die stappe sal in drie fases uitgevoer word wat op 6 November sal begin met onbetaalde munisipale rekeninge vir besighede, regeringsentiteite en instansies wat afgesny sal word. Rekeninge moet teen 3 November vereffen word. Die tweede fase, wat vir 4 Desember beplan word, sal munisipale personeel en raadslede teiken, terwyl die derde fase, wat in Januarie volgende jaar begin, op inwoners sal fokus. Die dorpsraad skuld NamWater 32 miljoen Namibiese dollar terwyl die raad 212 miljoen Namibiese dollar geskuld word in onbetaalde rekeninge. Uit 9 815 aktiewe kliënte, net 2 257 gemiddeld hul rekeninge maandeliks betaal. Keetmanshoop is die jongste plaaslike owerheid wat stappe in die verband neem.