Lions-krieketspan rig skuilings vir haweloses op – Kosmos 94.1

Lions-krieketspan rig skuilings vir haweloses op

Die Lions-krieketspan, in samewerking met die Angel Netwerk en ander vennote, het 46 tydelike skuilings vir die haweloses in Johannesburg opgerig. Die stad het verlede jaar meer as 15 000 hawelose mense aangemeld. Die uitvoerende hoof van Lions Krieket, Jono Leaf-Wright, sê hulle wou ‘n helpende hand na minderbevoorregtes in die gemeenskap uitsteek om te wys sport het die mag om ‘n positiewe uitwerking op gemeenskappe te hê.