Medevlieënier se partytjie vertraag internasionale vlug

Medevlieënier se partytjie vertraag internasionale vlug

Besonderhede is nou bekend van ‘n sogenaamde personeelnoodgeval wat daartoe gelei het dat ‘n vlug van British Airways van Johannesburg na Londen verlede maand met 24 uur vertraag is. Die medevlieënier, Mike Beaton, was glo by ʼn partytjie wat tot ’n paar uur voor die vlug aangehou het. ’n Kollega het die lugdiens in kennis gestel van Beaton se nag van drank, dwelms en eindelose seks, wat daartoe gelei het dat die volbespreekte vlug tot die volgende dag uitgestel is. Die Britse poniekoerant, The Sun, berig Beaton is later as ‘n passasier huis toe, het ‘n dwelmtoets ondergaan en is ontslaan.