Meer as 1 300 migrante in ’23 dood aan Tunisiese kus

Meer as 1 300 migrante in ’23 dood aan Tunisiese kus

‘n Rekord van 1 313 migrante het verlede jaar aan die Tunisiese kus gesterf of vermis geraak, wat die migrantekrisis in die land in Noord-Afrika beklemtoon. Die getal verteenwoordig sowat 75 persent van die getal dooies of vermistes aan die kus van Italië, Libië en Malta, sê Ramadan Ben Amor, ‘n amptenaar by die Tunisiese Forum vir Ekonomiese en Sosiale Regte. Tunisië het Libië vervang as Noord-Afrika se vernaamste vertrekpunt vir mense wat uit armoede en konflik vlug. Ongeveer 100 migrante is sedert middel Januarie aan die Tunisiese kus dood of vermis geraak.