Meer as 1 miljoen Palestyne vasgekeer voor Israeli offensief

Meer as 1 miljoen Palestyne vasgekeer voor Israeli offensief

Meer as 1 miljoen Palestyne is vasgekeer in en om Rafah terwyl Israel gereed maak om hulle te ontruim en ‘n grondaanval teen Hamas-vegters in die suidelike Gaza-stad te loods. Hulpagentskappe het gewaarsku dat groot getalle burgerlikes in die Israeliese offensief kan sterf en die VN se Palestynse vlugtelingagentskap sê hulle weet nie hoe lank hulle “in so ’n hoërisiko-operasie” kan werk nie. “Daar is ‘n gevoel van groeiende angs, groeiende paniek in Rafah,” sê Philippe Lazzarini, die hoof van die UNRWA-agentskap. “Mense het geen idee waarheen om te gaan nie.” Israeliese premier Benjamin Netanyahu se kantoor sê die weermag is beveel om ‘n plan te ontwikkel “vir die ontruiming van die bevolking en vernietiging” van vier Hamas-bataljons wat volgens hom in Rafah ontplooi is.